मंडळात ३३ महिला. वाणासाठी प्रत्येकी एक हजार रुपये किंवा इच्छेनुसार त्यापेक्षा अधिक. अध्यक्ष सुजाता भंडारे यांनी या मंडळाची स्थापना केली. मंडळ गेल्या १० वर्षांपासून वाणासाठी पैसे खर्च न करता जमा झालेली रक्कम एखाद्या गरजू संस्थेला देत आहे. अशा प्रकारे आतापर्यंत शहरातल्या ज्ञानदीप विद्यालयातले गरजू विद्यार्थी, मनीष बालसदन, पुण्यातील अपनाघर वृद्धाश्रम, उदगीर इथली स्नेहाधार संस्था, नाम फाऊंडेशन, औरंगाबादमधलं सावित्रीबाई फुले महिला एकात्म समाज मंडळ यांना मदत देण्यात आली आहे. सामाजिक ऋणातून उतराई होण्यासाठी हा उपक्रम हाती घेतल्याचं महिला सांगतात.
या मंडळाचे आणखी एक वैशिष्ट्य म्हणजे कुठल्याही राजकीय पदाधिकार्‍यांकडून देणगी स्वीकारली जात नाही. त्यांचे शुभेच्छाफलकही लावले जात नाहीत. कार्यक्रमाच्या अध्यक्षस्थानी उद्योजक राजेंद्र पोकर्णा. महापौर मीनाताई वरपूडकर, भाजपा महिला कार्यकारिणी सदस्य मेघना बोर्डीकर, नगरसेविका माधुरी बुधवंत , त्वचारोगतज्ञ डॉ स्मिता चिलगर, जयभवानी महिला सहकारी सूतगिरणीच्या अध्यक्ष डॉ संप्रिया पाटील आणि मान्यवरांची उपस्थित होते.
-बाळासाहेब काळे, परभणी
No comments:
Post a Comment