Friday, 22 November 2019

काम मिळालं आणि स्थैर्यही

छत्तीसगड राज्यातील रायपूरमधील अभानपूर परिसरात मोहित साहू राहतात. त्यांचे वडील बांधकाम मजूर म्हणून काम करतात. आई गृहिणी आहे. मोहित धरून पाच भावंडे आहेत. त्यांच्या वडिलांना महिन्याला जेमतेम दहा रुपये उत्पन्न मिळतं. या तुटपुंज्या मिळकतीत एवढ्या मोठ्या कुटुंबाचा गाडा चालवणं केवळ अशक्य आहे. मोहितचे मोठे दोन भाऊ ऑफिसबॉय म्हणून कामाला लागले. मोहितने या परिस्थितीतही बारावीपर्यंत शिक्षण पूर्ण केलं. पण पुढचं शिक्षण घेणं त्याच्याकरता केवळ अशक्य होतं. त्यामुळे त्याने नोकरी करण्याचा निर्णय घेतला. 
पण फक्त बारावीच्या आधारावर नोकरी मिळणं कठीण होतं. मग त्याने काही प्रशिक्षण घेऊन त्याआधारे नोकरी मिळवण्याचं ठरवलं. त्याला रायपूरमधील प्रथम प्लबिंग प्रशिक्षण सेंटरबाबत समजलं. या सेंटरला कोटक इंव्हेस्टमेंटकडून सहाय्य मिळतं. इंडियन प्लबिंग स्किल काऊन्सिल (आयपीएससी) यांची मान्यता या केंद्राला आहे. मोहितनं या सेंटरच्या दुसऱ्या बॅचमध्ये प्रवेश घेतला. 15 जानेवारी 2019 ते 15 मार्च 2019 या कालावधीत ही बॅच होती. आपल्या दोन महिन्याच्या प्रशिक्षणादरम्यान मोहितला प्लबिंगचे विविध स्तर आणि त्यात करावयाची कामं याबाबत सविस्तरपणे शिकवण्यात आलं. प्लबिंग क्षेत्राची सविस्तर माहिती, प्लबिंग क्षेत्राचा विकास आणि त्यातील नोकरी व व्यवसायाच्या संधी या सर्व गोष्टींची माहितीही मोहितला यावेळी सांगण्यात आली.
प्रशिक्षण वर्ग पूर्ण केल्यावर मोहितला रायपूरमधील मा वैष्णव टेक्निकल सर्व्हिसेस या कंपनीत सहाय्यक प्लंबर पदासाठी मुलाखतीकरता बोलावण्यात आले. त्याची निवड झाली. सध्या, मोहित या कंपनीत दरमहा साडेसात हजार मासिक वेतनावर काम करत आहे. त्याला कंपनीतर्फे निवासी व्यवस्थाही पुरवण्यात आली आहे.
प्रथम प्लम्बिंग कार्यक्रम प्रमुख शिवाजी कदम यांचा संपर्क क्र.- 99205 53319
- शिवाजी कदम, साधना तिप्पनाकाजे

No comments:

Post a comment