पै-पैची बचत करत स्वतःच्या संसाराला सावरण्यासाठी धडपडणाऱ्या मुंबई येथील
बचतगटांच्या महिला. अनाथाश्रमातील मुलांचे दुःख पाहिले अन् या महिलांना
त्यांच्यासाठी काही तरी योगदान द्यावे वाटले. यातूनच सुरू झाली मदत. दहा
वर्षांपासून मुंबईतील 'संकल्प विद्यार्थी संघ' हा बचतगटांचा समूह सहारा
अनाथालयात (गेवराई, जि.बीड) दिवाळी साजरा करतो. येथील १०७ चिमुकल्यांना नवे
कपडे, फराळ, शैक्षणिक साहित्य उपलब्ध करून देत त्यांच्या चेहऱ्यावर हास्य
फुलवतो.
मुंबई येथील शुभा बेनुरवार. त्या महापालिकेच्या निवृत्त कर्मचारी. महिलांचा आर्थिक स्तर उंचावण्यासाठी शुभा यांनी सहकाऱ्यांसह कुर्ला व घाटकोपर येथे एक हजारांच्यावर महिला बचतगट व साडेचारशेंच्या वर उत्पादक गटांचे जाळे उभारले. सन २००८ मध्ये एका कार्यक्रमात त्यांची संतोष गर्जे यांच्याशी भेट घडली. संतोष पत्नी प्रीती यांच्यासह गेवराई शहरानजीक गोविंदपूर येथे सहारा अनाथालयाच्या माध्यमातून वंचित, उपेक्षित, अनाथ अशा १०७ मुलांचा सांभाळ करतो. ही माहिती मिळाल्यानंतर शुभा यांनी संकल्प विद्यार्थी संघाची एक सहल काढली व सहारा अनाथालयास भेट दिली. आई-वडिलांचे छत्र हरवलेल्या या चिमुकल्यांचे दुःख पाहिल्यानंतर त्यांच्यासाठी दर दिवाळीत फराळ, नवे कपडे, शैक्षणिक साहित्य देण्याचे महिलांनी ठरवले. तेव्हापासून आजपर्यंत न चुकता दरवर्षी चिमुकल्यांची दिवाळी गोड करण्याचे काम 'संकल्प विद्यार्थी संघ' या संस्थेच्या माध्यमातून हे बचतगट करताहेत. दोन वर्षांपासून श्री कुलस्वामिनी माता ट्रस्टच्या विजुताई महाले, कांचन महाले या देखील या कामात मोलाचे योगदान देत आहेत.
- अनंत वैद्य
मुंबई येथील शुभा बेनुरवार. त्या महापालिकेच्या निवृत्त कर्मचारी. महिलांचा आर्थिक स्तर उंचावण्यासाठी शुभा यांनी सहकाऱ्यांसह कुर्ला व घाटकोपर येथे एक हजारांच्यावर महिला बचतगट व साडेचारशेंच्या वर उत्पादक गटांचे जाळे उभारले. सन २००८ मध्ये एका कार्यक्रमात त्यांची संतोष गर्जे यांच्याशी भेट घडली. संतोष पत्नी प्रीती यांच्यासह गेवराई शहरानजीक गोविंदपूर येथे सहारा अनाथालयाच्या माध्यमातून वंचित, उपेक्षित, अनाथ अशा १०७ मुलांचा सांभाळ करतो. ही माहिती मिळाल्यानंतर शुभा यांनी संकल्प विद्यार्थी संघाची एक सहल काढली व सहारा अनाथालयास भेट दिली. आई-वडिलांचे छत्र हरवलेल्या या चिमुकल्यांचे दुःख पाहिल्यानंतर त्यांच्यासाठी दर दिवाळीत फराळ, नवे कपडे, शैक्षणिक साहित्य देण्याचे महिलांनी ठरवले. तेव्हापासून आजपर्यंत न चुकता दरवर्षी चिमुकल्यांची दिवाळी गोड करण्याचे काम 'संकल्प विद्यार्थी संघ' या संस्थेच्या माध्यमातून हे बचतगट करताहेत. दोन वर्षांपासून श्री कुलस्वामिनी माता ट्रस्टच्या विजुताई महाले, कांचन महाले या देखील या कामात मोलाचे योगदान देत आहेत.
- अनंत वैद्य
No comments:
Post a Comment